Шунингдек, «Фавқулодда вазиятлардаги жасорати учун» кўкрак нишони билан ҳам тақдирланди.
Кеча ижтимоий тармоқларда йигит ўз ҳаётини хавф остига қўйиб, 8-қаватдаги квартиранинг деразасидан қулаб кетиши мумкин бўлган 3 ёшли қизалоқни қутқаргани акс этган видео тарқалди. Воқеа Қозоғистоннинг Нур-Султон шаҳрида юз берган.
«Кун қаҳрамони» дея эътироф этилган йигитнинг кўрсатган жасорати муносиб баҳоланди.
Собит Шонтақбаев Нур-Султан шаҳри ҳокими Алтай Кўлгиновнинг қабулида бўлди. Фавқулодда вазиятлар вазирининг биринчи ўринбосари, генерал-маёр Иброҳим Қулшимбаев қаҳрамонни «Фавқулодда вазиятлардаги жасорати учун» кўкрак нишони билан тақдирлади.
«Бу биз учун жуда муҳим. «G-парк» директорига катта раҳмат. Пойтахтдан 3 хонали квартирасовға қилишди.» , — деган у.
Маълумот ўрнида: Қизалоқни қутқарган эркак ўзи кўп болали ота, у икки ҳафта олдин Қозоғистон пойтахтига иш излаб келган. Оиласи эса Қизилўрдада.
Эрталаб соат 10 да ишга чиққан вақтда ҳовлида одамлар бақираётганини эшитиб қолади. 8-қаватда осилган болани кўриб, ёрдамга шошилади.
Унинг сўзларига кўра, қизча тахминан 10-15 дақиқа осилиб турган.
