Telegram каналимизга аъзо бўлинг
Янгиликлар

Афғонистонда зилзила қурбонлари 1000 дан ошди

859

Чоршанба маҳаллий вақт билан соат 00:54'да Афғонистон пойтахти Кобул жанубидаги Хост шаҳри яқинида содир бўлган 5,9 баллик зилзила қурбонлари мингдан ошди, жароҳатланганлар эса 1,5 мингдан кўп.

Зилзила эпицентридаги Гаян туманида 1800'га яқин уй вайрон бўлган, яраланганлар Шарон, Пактика ва Ургун касалхоналарига ётқизилган.

БМТ ва Европа Иттифоқи жабрланган жамоаларга фавқулодда ёрдам таклиф қилмоқда: "Идоралараро баҳолаш гуруҳлари аллақачон зарар кўрган бир қатор ҳудудларга жойлаштирилган", - деб ёзади БМТнинг Афғонистондаги Гуманитар масалаларни мувофиқлаштириш бошқармаси.

Европа Иттифоқининг Афғонистон бўйича махсус вакили Томас Никлассон Twitter'да шундай деб ёзди: "Европа Иттифоқи вазиятни кузатмоқда ҳамда Иттифоқ жабрланган одамлар ва жамоаларга фавқулодда ёрдам кўрсатишни мувофиқлаштиришга тайёр".

UNICEF ташкилоти Гаян туманига 12 нафар тиббиёт ходимидан иборат гуруҳни, Пактика вилоятидаги Бармал тумани ва Хост вилоятининг Спера туманига бир нечта мобиль соғлиқни сақлаш ва озиқ-овқат гуруҳларини юборган. 

Толибон етакчиси Ҳибатуллоҳ Охундзоданинг айтишича, юзлаб уйлар вайрон бўлган, қурбонлар сони яна ортиши мумкин. Қутқарув гуруҳлари бинолар остида қолганларни қидиришда давом этмоқда, дея қўшимча қилди у.

УЛАШИНГ:

Теглар:

Мавзуга доир:

Ғарбнинг буюклари пайғамбар алайҳиссалом ҳақларида...  

96 11:15 16.08.2022

Ўзбекистонда «Имом Бухорий» ордени таъсис этилади

121 10:55 16.08.2022

«Тез ёрдам» машинасида сув ташиган ҳайдовчига чора кўрилди

131 10:35 16.08.2022

Франция ғазнасидан миллионлаб пул ўғирлаган 4 нафар исроиллик ҳибсга олинди

136 10:10 16.08.2022

Саудия валиаҳди қирол Салмон номидан Каъбани ювди 

302 09:45 16.08.2022

Эрон Рушдийга қилинган суиқасд бўйича баёнот берди

234 09:24 16.08.2022
« Орқага