Telegram каналимизга аъзо бўлинг
Ахлоқ

Ахлоқус солиҳийн: Ихлос ҳақида гўзал сўзлар

384

(1-қисм 2-қисм 3-қисм 4-қисм 5-қисм 6-қисм 7-қисм 8-қисм 9-қисм 10-қисм 11-қисм 12-қисм 13-қисм 14-қисм 15-қисм 16-қисм 17-қисм 18-қисм 19-қисм 20-қисм 21-қисм 22-қисм 23-қисм)

1.
Аллоҳ дейди:

“Огоҳ бўлингким, холис дин Аллоҳникидир” (Зумар сураси, 3-оят).

Бу оятда “Аллоҳ бандаларнинг ибодат вақти­да Унга нисбат берган ширкларидан покдир” деган маъно назарда тутилмоқда.

2. Ҳазрат Пайғамбар соллаллоҳу алайҳи ва саллам марҳамат этадилар:

“Мусулмоннинг кўнглида нафрат пайдо бўлишига тўсқинлик қилувчи уч нарса бор. Булар: ихлос билан Аллоҳ учун амал қилиш, дин пешвосининг насиҳатини тинглаш, мўминлар жамоати билан бўлишдир” (Абдуллоҳ ибн Мсъуддан ривоят қилинган, Термизий ривояти).

3. Ҳасан розияллоҳу анҳудан ихлос ҳақида сўрадиларки: “У асли нимадир?” У зот айтдилар:

“Мен ихлос ҳақида Ҳузайфа розияллоҳу ан­ҳудан сўрадим: “У асли нимадир?” У зот ҳазрат Пайғамбар соллаллоҳу алайҳи ва салламдан ихлос ҳақида сўраган эканлар: “У асли нимадир?” Ҳазрат Пайғамбаримиз алайҳиссалом ҳазрат Жаброил алайҳиссаломдан ихлос ҳақида сўраган эканлар: “У асли нимадир?” Жаброил алайҳиссалом Аллоҳ таборак ва таолодан ихлос ҳақида сўрабдилар: “У асли нимадир?” Аллоҳ таборак ва таоло: 

“Ихлос бу Мени севган бандамнинг қалбига жо этган сирларимдан бир сирдир”, – деб жавоб берибди (Андалусий ривояти).

4. Айтилган эканки:

“Бизларнинг ихлосимиз самимий деб ўйлагувчиларнинг ихлослари аслида самимиятга муҳтождир”.

5. Жунайд қуддиса сирруҳу айтган эканлар:

“Ихлос – бу Яратган билан бандаси орасидаги бир сирдир. У ҳақда на битиб боргувчи фаришта билади, на бузғунчи шайтон огоҳ ва на қайтаргувчи ҳавойи нафснинг хабари бор”. 

6. Саҳл қуддиса сирруҳудан сўрадилар:

– Нафс учун энг мушкул нарса нима?

У зот жавоб бердилар:

– Ихлос, чунки нафс ундан ҳеч қандай насиба ололмайди. 

7. Баъзилар айтган эканлар :

“Ла илаҳа иллаллоҳ” дегувчилар кўп, лекин уларнинг орасида чин ихлос эгалари кам”.

8. Шунингдек, айтилганки: 

“Қайси бир банда чин ихлос ила қирқ кун узлуксиз амал қилса, қалбидан ҳикмат булоқлари отилиб чиқиб, тилида жорий бўлгай”. 

9. Солиҳлардан бири шундай деган экан:

“Дунёдаги энг ноёб ва нодир нарса ихлосдир. Риёни қалбимдан илдизи билан қўпориб ташлашга кўп интилдим, аммо у ҳар сафар яна бошқа бир суратда гуллаб-яшнайверарди”.

(давоми бор)

"Ахлоқус солиҳийн" китобидан олинди.

Китоб Вазирлар Маҳкамаси ҳузуридаги Дин ишлари бўйича Қўмитанинг 19.12.2019 йилдаги №7231-сонли хулосаси асосида чоп этилган.

«Azon kitoblari» нашриёти

УЛАШИНГ:

Теглар:

Мавзуга доир:

Президент Шавкат Мирзиёев умра ибодатини бошлади

114 01:25 19.08.2022

 "Тарихнинг номаълум саҳифалари"

228 21:05 18.08.2022

Эшикоға беги

283 20:35 18.08.2022

Илм излаб сафар қилишдаги фазилатлари

217 20:05 18.08.2022

Фашистлар Германияси ва советлар ҳамкорлиги

335 19:35 18.08.2022

Ташқи ишлар вазирлиги Кобулдаги портлаш бўйича баёнот берди

301 18:58 18.08.2022
« Орқага