Американинг Pfizer фармацевтика компанияси COVID-19га қарши преператни синовдан ўтказишни бошлади, дея хабар беради ТАСС.

Қайд этилишича, янги препарат коронавирусни дастлабки босқичларда даволаш ёки касаллик профилактикаси учун мўлжалланган. Компания клиник синовларга 2660 кишини жалб этишни режалаштирган.

Аввалроқ Pfizer раҳбари Альберт Бурла дунёнинг пандемиядан кейин нормал ҳаётга қайтиши учун яна бир йил вақт кераклигини айтган эди. Шунингдек, у вируснинг янги мутациялари пайдо бўлиши туфайли ҳар йили эмланиш одатий тусга кириши ҳақида фикр билдирди.

Шу пайтгача бутун дунёда коронавирусга чалинганларнинг умумий сони 219 миллиондан, вафот этган беморлар сони эса 4,55 миллиондан ошиб кетди.