Telegram каналимизга аъзо бўлинг
Янгиликлар

Антарктида ҳам эрияптими?

2429

РИА Новости агентлиги хабарига кўра, Антарктидада бу ҳудуд учун жуда юқори бўлган аномал ҳарорат қайд этилди.

Антарктида яриморолининг шимолида жойлашган Аргентинанинг Эсперанза илмий-тадқиқот станцияси 1961 йилдан буён метеорологик кузатувлар олиб боради.

"Эсперанза станциясида янги тарихий (1961 йилдан бери) ҳарорат қайд этилди – 18,3 ° С. Бу қиймат 2015 йил 24 мартда қайд этилган аввалги 17,5 ° C дан юқори", - дейилади хабарда.

Бундан ташқари, метеорологларнинг маълум қилишича, Аргентинанинг яна бир станцияси – Марамбиода ҳам юқори ҳарорат қайд этилган. 1971 йилдан бери феврал ойида 14,1 ° С бўлмаган экан. 

"Бунга глобал исиш сабаб бўлиши мумкин", - дейди Аргентина метеорология хизмати вакили Синди Фернандес.

Антарктида 14 миллион квадрат километрдан кўпроқ масофани эгаллаган ва бутунлай қор ва муз билан қопланган. Антарктида ўртача йиллик ҳарорат -10 дан -60 даражагача ўзгаради.

Бутунжаҳон Метеорологик Ташкилоти (ЖМО) маълумотларига кўра, Антарктида ярим оролининг иқлими сайёрадаги энг тез ўзгариб турувчилардан биридир. Сўнгги 50 йил ичида ярим оролнинг ўртача ҳарорати деярли 3 ° C га ошган.

УЛАШИНГ:

Теглар:
« Орқага