Америка Қўшма Штатларининг шарқий қисмида кузатилаётган бўронлар натижасида мамлакатдаги мингдан ортиқ авиарейслар бекор қилинди.
Дам олиш кунлари бошланган бўронлар натижасида якшанба куни 3059 та маҳаллий ва халқаро рейслар бекор қилинган. Душанба куни эса яна 1385 та рейс ҳам бошқа муддатга қолдирилган. Шимолий Каролинадаги Шарлотта Дуглас халқаро аэропорти бу борада рекордчи бўлди. Мазкур аэропортдан учиши керак бўлган рейсларнинг 620 таси бекор қилинган. Расмийларнинг таъкидлашича, об-ҳаво сабаб бекор қилинган рейс йўловчилари ҳеч қандай тўловсиз кейинги рейслар учун чипта харид қилиши мумкин.
Шунингдек, душанба куни ноқулай об-ҳаво шароити сабаб мамлакатдаги баъзи мактаблар ва ташкилотлар ҳам ёпилган.
