Бугун Тошкентда Ўзбекистон Республикаси Олий Мажлиси Сенати йигирма олтинчи ялпи мажлиси иш бошлади. Бу ҳақда Azon.uz сайтининг махсус мухбири Нурбек Ғафуров хабар бермоқда.
 Мажлис кун тартибидан “Давлат фуқаролик хизмати тўғрисида”ги қонуни, “Ер участкаларини компенсация эвазига жамоат эҳтиёжлари учун олиб қўйиш тартиб-таомиллари тўғрисида”ги қонуни, “Гиёҳвандлик воситалари ва психотроп моддалар тўғрисида”ги қонунининг 19-моддасига қўшимча ва ўзгартиш киритиш ҳақида”ги қонуни ва бошқа бир қатор қонунлар муҳакамаси бўлиб ўтади. 
Шунингдек, Интернет жаҳон ахборот тармоғида ёшлар ва вояга етмаганлар учун миллий контентни ривожлантириш, уларнинг ижтимоий тармоқлардан фойдаланиш маданияти ва зарарли ахборотдан ҳимоя қилиш масалалари юзасидан Ўзбекистон Республикаси Вазирлар Маҳкамасига юборилган парламент сўрови натижалари кўриб чиқилади.
Мажлис кун тартибидан Ўзбекистон Республикаси Марказий банки бошқаруви раисини тайинлаш қонуни ҳам ўрин эгаллаган.

Нурбек Ғафуров,
 Azon.uz махсус мухбири