БАА ўзининг ҳамкори Халифа Ҳафтар ёрдамида Ливиянинг олтинларига эгалик қилмоқчи. Бу ҳақда араб ОАВларида эълон қилинган маълумотларга асосланиб Muslimpolitic хабар берди.
Таъкидланишича, Ал Кафара шаҳрида бўлиб ўтган махфий учрашувда амирликлар томонидан юқори мансабдаги амалдорлар ва Ҳафтарнинг яқинлари, жумладан генералнинг ўғли Саддам ҳам қатнашган.
БАА вакиллари дастлаб Ливиянинг шарқий қисмига келганлар, кейин мамлакат жанубига йўл олишган. Музокараларнинг асосий мақсади катта миқдорда, сал илгари Ливия, Судан ва Мисрнинг чегарасидаги ҳудудда аниқланган олтинни етказиб бериш бўйича уч томонлама келишувга эришиш бўлгани айтилмоқда.
Келишувларда қимматбаҳо металл БААлик масъулларнинг назоратига топширилиши назарда тутилмоқда. Унга кўра, олтин етказиб беришдаги хавфсизликни таъминлаш Хафтарнинг зиммасида бўлади.
Бу ҳаракат «Ливия миллий армияси»нинг расмий Абу-Даби томонидан молиявий жиҳатдан қўллаб-қувватлангани эвазига тўланаётган бадалми, бунга аниқлик киритилмаган.
