Байден Техасдаги отишма сабабли халққа мурожаатида “худди жанг майдонидагидек” ҳалок бўлган дўстларини кўрган болалар ва ўз фарзандларини бошқа бағрига боса олмайдиган ота-оналар ҳақида гапирган.

«Бу ота-оналарнинг аҳволи энди ҳеч қачон аввалгидек бўлмайди», деган у. «Фарзандни йўқотиш қалбингизнинг бир бўлагини узиб олганга ўхшайди».

У, АҚШ учун чора кўриш вақти келганини айтган.

Қурол-яроғ лоббисига қарши курашиш лозимлигини айар экан: “Мен чарчадим. Биз ҳаракат қилишимиз керак. Менга биз бу қирғинга таъсир қила олмаймиз, деманг!” деб таъкидлаган АҚШ президенти. 

Байден Қўшма Штатларнинг қонун чиқарувчи вакилларини «соғлом ақл» билан қурол назорати тўғрисидаги қонунни қабул қилишга ундаган изоҳлар берди.

«Қачон биз қурол лоббисига қарши чиқамиз», деб сўраган у. 

Байденнинг таъкидлашича, у Сэнди Хукда 10 йил илгари 26 киши ҳалок бўлгани, улардан 20 нафари болалар эканини кўрганини қўшимча қилган.

Бир ҳафта олдин, 14 май куни Буффалодаги супермаркетда ирқчи қотил ўқотар қуролдан 10 кишини ўлдирган, уч фуқаро яраланган эди, уларнинг кўпчилиги қора танли бўлган.