Президент Байден Айова штатига борган пайтида сўнгги 41 йил ичида рекорд даражага етган АҚШ инфляцияси муаммосига тўхталди.

АҚШ президенти Жо Байден мамлакатдаги юқори инфляция сабабини Россиянинг Украинага қарши тажовузи деб ҳисоблайди. Байден Россия президенти Владимир Путиннинг Украинадаги ҳаракатларини “геноцид” деб атади. 

"Ҳукумат аҳолига нарх босимини пасайтириш учун ҳамма нарсани қилмоқда. Россиянинг Украинадаги агрессияси бутун дунё бўйлаб ёқилғи ва озиқ-овқат нархларининг ошишига олиб келди. Инфляция сабабларининг 70 фоизи ушбу маҳсулотлар нархининг ошиши билан боғлиқ”, деди АҚШ раҳбари.

Шунингдек, у нархларнинг ўсиши билан курашиш учун стратегик нефт захирасидан кунига бир миллион баррел нефт чиқаришга рухсат берганини ҳам таъкидлади.

АҚШ президенти Путиннинг Украинадаги ҳаракатларини геноцид деб атади:

"Оилавий бюджетингиз, машинангизнинг бензин бакини тўлдириш қобилиятингиз, буларнинг барчаси диктаторнинг уруш эълон қилиши ва дунёнинг иккинчи ярмида геноцид содир этишига боғлиқ бўлмаслиги керак".