Нутқлар ва бошқа расмий тадбирлар пайтида АҚШ президенти Жо Байденнинг тез-тез йўталиши ташвишга сабаб бўлмаслиги керак. Бу ҳақда давлат раҳбари матбуот котиби Жен Псаки пайшанба куни Оқ уйда ўтказилган навбатдаги брифингда маълум қилган.

«Хавотирга ўрин йўқ. Бизда у билан бирга саёҳат қиладиган шифокор бор, агар керак бўлса, албатта текширув ўтказади», деган Псаки.

Бу жавоб журналистлардан бирининг президентнинг кўп йўталишига оид берган саволига жавоб ўлароқ айтилди. 

«Менимча, бу ташвишга сабаб эмас», деб такрорлади Псаки унга жавобан. «Ўйлайманки, биз ҳаммамиз томоғимизни чайганимизда озгина шамоллашимиз мумкин. Албатта, бу ҳолга президентлар, бошқа амалдорлар, журналистлар, матбуот котиблари ҳам дуч келиши мумкин», - дея қўшимча қилган у. 

78 ёшли Байденнинг вақти-вақти билан нутқлар ва бошқа расмий тадбирларда йўталиши ижтимоий тармоқ фойдаланувчиларининг эътиборига тушган.