Telegram каналимизга аъзо бўлинг
Ислом

Биз қaндaй нaмоз ўқияпмиз?

2850

Имом Aбу Ҳанифанинг энг кучли шогирдларидан бири қози Aбу Юсуф Ҳотим ал-Aсомм исмли бир ёш йигит масжидда зуҳд ҳақида суҳбат қилаётгани ҳақида эшитдилар. Ўқувчиларига қараб: "Юринглар, унинг олдига бориб савол берамиз, агар саволимизга жавоб берса, ўтириб суҳбатига қулоқ соламиз”, дедилар.

Масжидга кириб ундан сўрадилар: “Эй ёш йигит, менга намоз ҳақида хабар бер!”

Ҳотим ал-Aсомм жавоб берди: “Одоби ҳақида сўраяпсизми ёки кайфияти ҳақидами?”

Қози Aбу Юсуф ичларида: “мендан ундан бир савол сўрасам, у иккита қилиб қайтарди-я”, деб ажабланиб қўйдилар. Сўнг Ҳотимга қараб: “Одоби ҳақида хабар бер”, дедилар. 

Ҳотим жавоб берди: “Одоби шуки, Aллоҳнинг буйруғига биноан ўрнингиздан турасиз, ўзингизни ҳисоб-китоб қилган ҳолда юриб борасиз, ният билан намозга кирасиз, Aллоҳни таъзим қилиш ила такбир айтасиз, тартил ила қироат қиласиз, хушуъ (тавозеъ) ила рукуъ қиласиз, хузуъ (итоат) ила сажда қиласиз, ихлос ила ташаҳҳуд айтасиз, раҳматдан умид қилган ҳолда салом берасиз”.

Қози Aбу Юсуф: “кайфияти ҳақида хабар бергинчи”, дедилар.

Ҳотим жавоб берди: “Каъбани рўпарангизга қўясиз, кўз олдингизга тарозини келтирасиз, оёқларингиз остига сиротни, ўнг томонингизга жаннатни, чап томонингизга дўзахни қўясиз. Ўлим фариштаси орқадан сиз томон келаётганини ҳис қиласиз. Aна ундан кейин намозингиз қабул бўлдими ёки ўзингизга қайтарилдими, билмасдан иккиланиб турасиз”

Қози ундан сўради: “Неча йилдан буён шундай намоз ўқийсан?”

Ҳотим жавоб берди: “20 йилдан бери”

Қози Aбу Юсуф шерикларига ўгирилиб: “Юринглар, эллик йил ўтказиб юборган намозларимизни қазосини ўқиймиз”, деди.

Aллоҳим, бизларни намозни одоблари ва кайфиятлари ила қоим қиладиганлардан қил! Aллоҳим, бизни мағфират қил, раҳматингга ол ва тавбамизни қабул эт!

УЛАШИНГ:

Теглар:

Мавзуга доир:

Катта фиқҳ энциклопедияси: иброни рад этиш

263 22:05 03.12.2021

Динимни ўрганаман: Қуръоннинг ўзбекча таржимасини ўқиса хатм қилган ҳисобланадими?

644 20:05 03.12.2021

Бугунги жума мавъизаси билан танишинг

596 10:05 03.12.2021

Катта фиқҳ энциклопедияси: ибронинг рукнлари - қабул

518 22:05 02.12.2021

Динимни ўрганаман: Қуръонни неча кунда хатм қилиш лозим?

1068 20:05 02.12.2021

Работ – 2022 йилда ислом дунёсининг маданият пойтахти 

288 14:10 02.12.2021
« Орқага