АҚШ Давлат котиби Энтони Блинкен Россия глобал озиқ-овқат инқирозини ҳал қилишда ёрдам эмас, балки шантаж билан шуғулланаётганини таъкидлаган.
“Президент Владимир Путин озиқ-овқат таъминотини тўсиб қўйиб, дунёни унинг талабларига рози бўлишга ва санкцияларни бекор қилишга ундамоқда. Бошқача ва содда қилиб айтганда, бу шантаж, — дея унинг сўзларидан иқтибос келтиради ТАСС.
Унинг таъкидлашича, ҳозир Россиянинг денгиз блокадаси туфайли Украина экинларни одатдаги манзилларига етказа олмаяпти.
"Одесса яқинидаги омборхоналарда ва Россиянинг ушбу блокадаси туфайли Одесса портида қолиб кетаётган кемаларда 20 миллион тоннага яқин буғдой бор", деган Блинкен.
