АҚШ Давлат котиби Энтони Блинкен 21 январь куни Женевада Россия Ташқи ишлар вазири Сергей Лавров билан учрашади. Музокараларда Украина атрофидаги можарони дипломатик йўл билан ҳал қилиш йўллари муҳокама этилади.
Давлат департаменти вакилининг айтишича, “Блинкен дипломатик ечим бор ёки йўқлигини билишдан 150 фоиз манфаатдор”. Блинкен Лавров билан музокарадан олдан Берлин ва Киевда учрашувлар ўтказади.
Шунингдек, Давлат департаменти вакили Вашингтон Россия ҳарбийларининг Беларусга бориши Москвага Украинага бостириб кириш учун қўшимча имконият бериши мумкинлигидан хавотирда эканлигини айтган.
Бугун Энтони Блинкен Киевда Украина президенти Владимир Зеленский ва Ташқи ишлар вазири Дмитрий Кулеба билан, эртага эса Берлинда Германия, Франция ва Британия ташқи ишлар вазирлари билан учрашади.
Эслатиб ўтамиз, 17 январь куни Беларусь президенти Александр Лукашенко февраль ойида Украина чегаралари яқинида Россия билан қўшма ҳарбий машғулотлар ўтказилишини эълон қилди.
