Telegram каналимизга аъзо бўлинг
Янгиликлар

Болтиқбўйи давлатлари Россия фуқароларининг киришини чеклайди

570

Чоршанба куни Каунасда бўлиб ўтган учрашувда Литва, Латвия ва Эстония ташқи ишлар вазирлари Москванинг Украинага бўлган тажовузига жавобан Шенген визаси бўлган Россия фуқаролари учун чегарадан ўтишга чекловлар жорий этишга келишиб олдилар.

Тақиқ сентябрь ойидан кучга кириши кутилмоқда.

Истиснолар фақат дипломатлар, юк машиналари ҳайдовчилари, шунингдек, оилавий ва гуманитар сабабларга кўра кирган фуқаролар учун қўлланилади.

Қарорлар миллий ҳукуматлар томонидан қабул қилинади ва бир вақтнинг ўзида кучга киради.

Келишувга эришилганини эълон қилган Латвия Ташқи ишлар вазири Эдгарс Ринкевич сўнгги ойларда чегарадан ўтган Шенген визасига эга Россия фуқаролари сони «сезиларли даражада кўпайганини» таъкидлади.

«Бу жамоат хавфсизлиги масаласига айланиб бормоқда ва у аллақачон маънавий ва сиёсий хусусиятга эга», - дея Латвия вазирининг сўзларидан иқтибос келтирган Рейтер ахборот агентлиги.

Эстония ташқи ишлар вазири Урмас Реинсалу тақиқнинг «яқин ҳафталарда» кучга киришини истаётганини айтган.

«Шу йўл билан бизнинг ҳудудимизда тажовузкор мамлакат фуқаролари камроқ бўлсин», деган Реинсалу Эстониянинг Викерраадио радиостанцияси эфирида.

ЕИ визаларини беришнинг соддалаштирилган тартиби 12 сентябрда бекор қилинади

Ёз охирида Европа Иттифоқи мамлакатлари вакиллари Россия Федерацияси билан визаларни расмийлаштиришнинг соддалаштирилган тартиби тўғрисидаги келишувни тўхтатишга қарор қилишди. Келишув 12 сентябрь куни ўз фаолиятини тўхтатади. Европа Иттифоқи россияликларга виза беришни тўлиқ тақиқлаш бўйича келишиб олмади.

"Муҳокамалар давомида биз Европа Иттифоқининг барча давлатларини Шенген визасига эга бўлган миллионлаб Россия фуқаролари нафақат Россия билан чегарадош давлатлар, балки блокнинг минтақавий хавфсизлиги учун ҳам муаммо эканлигига ишонтиришга муваффақ бўлдик. Эстония, Латвия ва Полша билан биргаликда биз келгуси ҳафталарда россиялик сайёҳлар оқимини сезиларли даражада чеклайдиган ечимлар излаймиз”, деган Литва ташқи ишлар вазири Габриелиус Ландсбергис икки кунлик учрашувдан кейин.

Шу билан бирга, вазир визани тўлиқ тақиқлаш бўйича умумевропа қарори «ҳуқуқий нуқтаи назардан энг барқарор, энг тўғриси» бўлишини таъкидлаган.

Европа Иттифоқининг ташқи ишлар бўйича олий вакили Хосеп Боррелнинг қайд этишича, Москва билан 15 йил аввал тузилган шартномани музлатиш россияликларга бериладиган визалар сонини камайтиради, бериш жараёни эса қимматлашиб, узоқ давом этади.

Россия Ташқи ишлар вазирлиги келишувни музлатиш қарорига жавобан, улар акс чораларини тайёрлаётганликларини айтди.

Чоршанба куни вазирлик вакиллари Россияга кириши тақиқланган Европа Иттифоқи институтлари ва унга аъзо давлатлар вакиллари рўйхати кенгайтирилганини эълон қилди.

УЛАШИНГ:

Теглар:

Мавзуга доир:

Испаниядаги Украина элчихонасида портлаш уюштирилди

343 18:50 30.11.2022

Хитойнинг собиқ раҳбари вафот этди

561 16:55 30.11.2022

Ғарб ва ривожланаётган атеизм

772 15:05 30.11.2022

Россиядаги сафарбарлик ва ўлим сонининг ортиши

456 14:42 30.11.2022

Бухарестдаги НAТО саммити: «Биз Путиннинг ғалаба қозонишига йўл қўймаймиз»

349 13:40 30.11.2022

Қандай жирканчлик. Яна бу одамлар бағрикенглик ҳақида гапиришади-я!

2464 12:50 30.11.2022
« Орқага