Бирлашган штаб бошлиғи Анатолий Сидоров бошчилигидаги Коллектив Хавфсизлик Шартномаси Ташкилоти (КХШТ) миссиясининг олдинги гуруҳи 15 сентябрь куни Арманистонга учади, деб хабар берди КХШТ матбуот хизмати.
“Коллектив Хавфсизлик Шартномаси Ташкилоти миссияси раҳбари, КХШТ Бош котиби Станислав Зас кейинги ҳафтада Арманистон Республикасига жўнаб кетишни режалаштирмоқда”, — дейилади матбуот хизмати хабарида.
Аввалроқ Арманистон бош вазири Никол Пашинян Озарбайжон Қуролли кучлари билан 13 сентябрда бошланган жанглар натижасида 105 нафар арман ҳарбий хизматчиси ҳалок бўлганини билдирганди.
Бунгача Озарбайжон томони 12-13 сентябрь кунлари чегарадаги можаро натижасида ҳалок бўлган Арманистон Қуролли кучлари ҳарбий хизматчиларининг 100 тагача жасадини Боку бир томонлама тартибда Ереванга топширишга тайёрлигини маълум қилган эди.
