Telegram каналимизга аъзо бўлинг
Янгиликлар

Бугун Озарбайжонда байрам: Миллий тикланиш куни нишонланмоқда

438

Бугун қардош Озарбайжонда Миллий тикланиш куни нишонланмоқда.

Бу сананинг тарихи 1988 йил 17 ноябрда бошланган «Майдон ҳаракати» билан боғлиқ. 33 йил муқаддам айнан шу куни Озодлик майдонида миллий озодликнинг тикланиши бошланди. Бу ерга тўпланган юз минглаб одамлар Москванинг иккиюзламачи сиёсатига норозилик билдиришди.

«Майдон ҳаракати» Арманистоннинг Озарбайжонга ҳудудий даъволари, Тоғли Қорабоғ арманларининг айирмачилик ҳаракатлари, Арманистонда истиқомат қилган юз минглаб озарбайжонларнинг ўз ерларидан ҳайдаб чиқарилиши муносабати билан вужудга келган.

Халқ Москва ва маҳаллий ҳокимиятлар олиб бораётган сиёсат натижасида юзага келган муаммоларни ҳал қилишни ўз қўлига олишга қарор қилди ва 1988 йил 17 ноябрда Бокунинг марказий майдонида норозилик акциясини бошлади. 17 кун узлуксиз давом этган акция миллионлаб одамларни қамраб олди ва собиқ СССР ҳудудидаги энг йирик норозилик акциясига айланди.

СССР парчаланишини ўрганаётган кўплаб маҳаллий ва хорижий тадқиқотчилар бу жараёнда Озарбайжонда бошланган «Майдон ҳаракати» муҳим роль ўйнаганини қайд этишади.

4 декабрдан 5 декабрга ўтар кечаси совет қўшинлари умумхалқ митингини тарқатиб юборган бўлсада, бу воқеалар миллий озодлик ҳаракати сифатида баҳоланиб, Озарбайжоннинг мустақиллигини қўлга киритишнинг асосий омили сифатида қаралади.

Миллий тикланиш куни давлат байрамидир. Ўтган йилдан буён Озарбайжон ушбу муҳим санани ўзгача иштиёқ ва шодлик билан нишонламоқда. 2020 йил 27 ноябрь куни Озарбайжон Қуролли Кучлари Арманистоннинг навбатдаги провокациясига жавобан босиб олинган Озарбайжон ҳудудларини озод қилиш операциясини бошлади. 44 кун ичида 200 дан ортиқ аҳоли пунктлари, жумладан Фузулий, Жабраил, Зангилон, Губадли ва Шуша шаҳарлари арман босқинидан озод қилинди ва 10 ноябрь куни Озарбайжон, Россия ва Арманистон раҳбарлари томонидан баёнот бўйича босиб олинган яна учта туман - Агдам, Қалбажар ва Лочинни Озарбайжонга қайтарилди.

Озарбайжон Президенти Илҳом Алиев “биз ҳудудий яхлитлигимизни тикладик ва собиқ босиб олинган ҳудудларнинг мақоми ҳақида гап бўлиши мумкин эмас”, деб таъкидлаган эди.

Ватан уруши йилларида Эрон билан чегаранинг 132 километрлик қисми ҳам озод қилинган. Бугун Озарбайжон кучли давлатга айланди ва мамлакатнинг 44 кунлик урушдан сўнг қудрати янги босқичга кўтарилди.

УЛАШИНГ:

Теглар:

Мавзуга доир:

Арманистон Озарбайжон билан тинчлик битими тузмоқчи

339 10:10 25.01.2022

Тарихда бугун: Совет армияси Бокуга бостириб кирди

1597 11:45 20.01.2022

Россияда ноқонуний ишлайдиганлар депортация қилиниши мумкин

440 09:22 29.12.2021

Озарбайжон Арманистонга ҳарбий асирларни топширди

589 14:55 19.12.2021

Туркия Арманистон билан алоқаларини яхшилаш тарафдори, бироқ...

770 11:37 14.12.2021

«Зангезур йўлаги» ер остидан ўтади: Озарбайжон туннеллар қурмоқда

1046 12:25 09.12.2021
« Орқага