Ўзбекистондаги дипломатик миссиясини якунлаётган Америка Қўшма Штатларининг Фавқулодда ва мухтор элчиси Даниел Розенблум халқимизни Мустақиллик байрами билан ўзбек тилида табриклади.
“Ассалому алайкум.
Америка қўшма штатлари халқи номидан Ўзбекистон халқини мустақилликнинг 31 йиллиги муносабати билан чин қалбимдан табриклайман. Сўнгги уч йил ичида гўзал юртингизни кезиб кўплаб одамлар билан суҳбатлашдим. Мен сизнинг бой маданиятингиз, анъаналарингиз ҳақида кўп нарсаларни билиб олдим”, деди элчи. Шунингдек, Даниел Розенблум Икки давлат муносабатлари янада мустаҳкамланишига ишонч билдирди.
Эслатиб ўтамиз, Даниел Розенблум 2019 йил 9 май куни АҚШнинг Ўзбекистондаги элчиси сифатида қасамёд келтириб, иш бошлаган эди.
