Туркия президенти Ражаб Тоййиб Эрдоған 500 мингга яқин суриялик қочқинни ўз ватанларига қайтариш жараёни бошланганини маълум қилди.
Чоршанба куни пойтахтнинг Мамак туманида сўзлаган Туркия раҳбари Сурия шимолида юз минглаб сурияликлар махсус қурилган уйларга жойлаштирилишини айтди.
Унинг сўзларига кўра, қурилган уйлар билан бир қаторда Сурия ҳудудида Қатар кўмагида миллион қочқинни жойлаштириш учун уйлар қуриш бўйича яна бир дастур амалга оширилмоқда.
“Уйлар қурилиши аллақачон бошанган”, деган Эрдоған, унинг сўзларига кўра, Анқара ўзининг миграция сиёсатида дунёнинг етакчи давлатлари, жумладан, АҚШ, Франция ва Германия тажрибасини ҳисобга олади.
