Telegram каналимизга аъзо бўлинг
Янгиликлар

Эрдоғаннинг ўғли Отатуркни нишонга олдими? 

9611

Туркия президентининг ўғли Билол Эрдоғаннинг алифбо ҳақидаги фикрлари ижтимоий тармоқларда қизғин баҳс-мунозараларга сабаб бўлди. Айримларнинг фикрига кўра, унинг сўзлари аслида Туркиянинг биринчи президенти Мустафо Камол Отатуркка қаратилган. 

CNN Türk телеканалидаги жонли эфирда қатнашган Билол Эрдоған мамлакатнинг фаровонликка эришиши ва алифбо ўртасида боғлиқ йўқлигини айтди. “Мен бошланғич мактабдаги йилларимни эслайман, бизга аниқ-тиниқ қилиб алифбомиз туфайли ортда қолиб кетганимиз айтилган, – деди у.

– Ўшанда бу ҳақда ўйламаган эдим, кейинчалик ўйладим. Унда нега қўшнимиз Греция алифбосини ўзгартирмади? Қўшнимиз Грузия-чи? Майли, Грузияни ривожланган давлат деб ҳисобламайлик, Япония ва Хитой нега алифбосини ўзгартирмади? Демак, ривожланишнинг алифбога алоқаси йўқ экан. Кийимларини ўзгартирмасдан ҳам ривожланган мамлакатлар бор. Унда нега ривожланиш ва кийимни бир-бирига боғлаганмиз? Кўриниш ўзгаргани билан руҳиятнинг ўзгариши жуда қийин. Кўринишингизни ўзгартирганингиз билан илм-фанда, технологияда Ғарбга ўхшаб қоласизми? Кўринишимизни шунчалик ўхшатдик, лекин нега Ғарбга етиб ололмадик?”

Билол Эрдоған Туркияда охирги йигирма йилда кузатилган ривожланишнинг ортида диндор одамларнинг каттагина роли борлигини таъкидлади. 

Эслатиб ўтамиз, Туркияда араб алифбосидан воз кечиб, лотин ёзувига асосланган турк алифбосига ўтиш ҳақидаги қонун 1928 йилнинг 1 ноябрида қабул қилинган. Янги алифбога ўтиш жараёнига “алифбо инқилоби” деб ном берилган. 

УЛАШИНГ:

Теглар:

Мавзуга доир:

Сурия: “Туркияга қўшилган ҳудудимизни қайтариб оламиз”

846 14:35 03.12.2021

Европа Иттифоқи Туркиядаги қочқинларни ташлаб қўймаслигини айтмоқда

262 12:10 03.12.2021

АҚШ ва Туркия вазирлари Россия ва Украина ўртасидаги вазиятни муҳокама қилди

428 13:05 02.12.2021

Истанбул сафари таассуротлари: “Гуржи гўзали”нинг Айюб Султондаги иншоси”

1136 15:40 01.12.2021

Истанбул сафари таассуротлари: “Дорга осилган бош вазир, 35 йиллик қози ва пачоқланган машина...”

1840 21:40 30.11.2021

Истанбулда мактаблар ёпилди, мотоциклдан фойдаланиш тақиқланди

2563 10:30 30.11.2021
« Орқага