Ҳодиса оқибатида 20 яқин фуқаро жабрлангани айтилмоқда.

Эроннинг Форс кўрфази соҳилидаги Ҳормозган вилояти фавқулодда вазиятлар бошқармасининг маълум қилишича, зилзила оқибатида беш киши ҳалок бўлган. Ҳозиргача 12 киши касалхонага ётқизилган. Ҳозирда қутқарув ишлари олиб борилмоқда.  

IRNA агентлигига кўра, Эроннинг Форс кўрфази соҳиллари яқинидаги Саеҳ Хош қишлоғида 6,1 магнитудали зилзиладан кейин 6,3 ва 6,1 магнитудали — ўндан ортиқ ерости силкинишлари содир бўлган.

«Жабрланганларнинг барчаси биринчи зилзилада ҳалок бўлган. Кейинги икки кучли зилзилада ҳеч ким жабр кўрмаган. Чунки биринчи зилзиладан сўнг одамлар уйлари танк этган», — деди Бандар Ленгеҳ губернатори Фоад Морадзода.

Маълумот учун: Йирик геологик ёриқлар Эронни кесиб ўтади. Мамлакат сўнгги йилларда бир неча марта ҳалокатли зилзилаларни бошдан кечирган. 2003 йилда Кермон вилоятида содир бўлган 6,6 магнитудали зилзила 31 минг кишининг ҳаётига зомин бўлган ва қадимий Бам шаҳрини текислаганди.