Франция католик черкови жинсий зўравонлик қурбонларига товон тўлаш учун кўчмас мулкларини сотишини маълум қилди, дея хабар бермоқда “Евроньюс”.
Октябрь ойида эълон қилинган ҳисоботга кўра, Франция черкови вакиллари етмиш йил давомида 200 мингдан зиёд болани жинсий зўрлаган. Ўтган ҳафта Лурд шаҳрида бўлиб ўтган йиғинда черков бу жиноятлар учун масъулиятни ўз зиммасига олди.
Йиғиндан кейин тарқатилган баёнотда айтилишича, Француз католик черкови махсус жамғарма ташкил этиб, педофилия қурбонларга товон тўлаш учун кўчмас мулкларини сотувга чиқаради, агар керак бўлса, банкдан кредит олишга ҳам тайёр.
Ҳисоботда француз черкови ўзини ҳимоялаш учун узоқ йиллар давом этган жинсий зўравонлик ҳолатларига “золимларча бепарволик” қилгани таъкидланган. Далиллар ошкор этилганидан кейин папа Франциск бу “уят лаҳзалари” бўлганини айтди.
