Франция Европадаги иттифоқчилари билан Малида терроризмга қарши кураш бўйича қўшма “Такуба” операциясини расман якунлади. Бу ҳақда Республика Бош штабининг Тwitter’даги хабарида айтилади.
Малидаги “Такуба” ишчи гуруҳининг фаолияти 30 июндан бошлаб тўхтатилди, дея хабар бермоқда Франция ОАВлари Бош штаб матбуот котиби Паскал Яннига таяниб.
Франция президенти Эммануэл Макрон 17 февраль куни Малидаги расмийлар билан муносабатларнинг ёмонлашуви фонида “Бархан” операцияси доирасида Малида жойлаштирилган ҳарбийлар олиб чиқилишини маълум қилганди.
Айни пайтда Елисей саройи Нигер ва Чад билан ҳарбий ҳамкорликни ошириб, ўз ҳарбийларини минтақанинг бошқа давлатларидан у ерга ўтказмоқда.
