Ғарбий Африкада жойлашган Гана давлати пойтахти Акрада йирик жоме мажмуаси очилди. Мажмуанинг очилиш маросимида Гана президенти Нана Акуффо-Аддо, Нигер президенти Муҳаммад Базум, Гана ва Туркия бош муфтийлари Усмон Нуҳу Шарабуту ва Али Эрбош иштирок этди.

«Қаерда қубба, минора бор бўлса, қаерда азон янграётган бўлса, шубҳасиз, у ерда тинчлик ва нажотга чақириқ бордир, – деди маросимда нут сўзлаган Али Эрбош. – Дунёнинг тўрт томонига илм-ирфон, ахлоқ, адолат, севги, шафқат ва марҳамат мана шу қутлуғ маконлардан тарқалган».

Ушбу мажмуа Туркия вақфларининг ёрдами билан, турк меъморчилиги услубида барпо этилди. Мажмуада масжиддан ташқари Гана бош муфтийлиги биноси, мактаб, ётоқхона, кутубхона, анжуманлар зали ҳам жойлашган. Масжидда бир пайтнинг ўзида 10 минг киши намоз ўқиши мумкин.