Германия энергетика инфратузилмасини бутунлай диверсификация қилди ва энди Россия энергия ташувчиларга қарам эмас.
Бу ҳақда Германия молия вазири Кристиан Линднер маълум қилди.
Унинг сўзларига кўра, Германия энергия импортининг янги манбаларини топди – масалан, газ Норвегия ва АҚШдан импорт қилинади.
“Ҳа, албатта, Германия ҳамон энергия импортига қарам, аммо бугун у Россиядан импортга эмас, балки жаҳон бозорларига қарам бўлиб қолди.
Агар илгари Германия газнинг қарийб 50 фоизини ва барча нефтнинг 30 фоиздан ортиғини Россиядан импорт қилган бўлса, ҳозир бу кўрсаткичлар нолга тенг.
Эслатиб ўтамиз, Германия Қатардан газ сотиб олиш бўйича биринчи узоқ муддатли шартномани имзолади.
