Telegram каналимизга аъзо бўлинг
Янгиликлар

Германияда мусулмон ёшлар диний билим бўйича беллашдилар  

267

Германиянинг Кёльн шаҳрида Турк-Ислом Дин ишлари иттифоқи томонидан “22-диний билимлар ва умумий маданияти” мусобақаси ўтказилди.

Турк-Ислом Дин ишлари иттифоқига аъзо жамиятлар ўртасида уюштирилган мазкур танловнинг финалида 13 та ҳудуддан келган ёшлар ўз билимлари билан беллашди.  

Финал мусобақасига Германиядаги диний маслаҳат кенгаши раҳбарлари, диний вакиллар, уюшма маъмурлари, талабалар, ота-оналар ва кўплаб меҳмонлар ташриф буюрди. 

Финалда Ислом динига оид 40 тадан савол берилди. Қизғин баҳсга айланган мусобақада Муҳаммад Талҳа Ениcей, Зайд Мирза Яшар ва Яда Нур Аккаядан иборат Кёльн шаҳри вакиллари биринчи ўринни қўлга киритишди. Гамбург вилояти вакиллари иккинчи, эссенликлар учинчи ўринни эгаллашди. 

Турк-Ислом Дин ишлари иттифоқи раиси Козим Туркман танловдан мақсад мусобақалашиш эмас, балки ёшларнинг янада кўпроқ диний билимларга эга бўлиши эканини таъкидлади. 

“Энг катта мақсадимиз билимли ва комил авлодлар, жамиятга фойдали инсонлар етиштиришдир. Шунингдек, ўз олдингизга янада юксак марраларни қўйишингизни истаймиз. Мусулмон сифатида барча жамиятларда энг намунали ва севимли инсонлар бўлишимиз шарт”, деди у.

Финалнинг ғолибларига ва барча иштирокчиларига совғалар ва сертификатлар топширилди.

УЛАШИНГ:

Теглар:

Мавзуга доир:

Шавкат Мирзиёев Эрдоған билан қўнғироқлашди

309 21:58 15.08.2022

Манингким ғамларим...

243 21:30 15.08.2022

Саҳобалар инсонларнинг энг олийҳимматлисидир

174 20:00 15.08.2022

Латвиялик руслар Россия тажовуз қилса Латвияни ҳимоя қилади(ми?)

483 19:40 15.08.2022

Туркия қурол ва энергия ресурслари соҳасида кучаймоқда – Эрдоған

390 19:25 15.08.2022

Исаак Ньютон: «Атеизм инсоният учун шунчалик беъмани ва жирканчки...»

518 19:10 15.08.2022
« Орқага