Греция. Маҳаллий ҳокимлик футбол майдони қуриш баҳонаси билан Ҳорозлу қишлоғидаги (Ғарбий Фракиянинг Ксанти шаҳри) мусулмонлар қабристонини бузиш ҳақидаги қарор чиқарган. Расмий Анқара ушбу қарорни қоралаб, дарҳол ўз эътирозини билдирди, дея хабар бермоқда Онадўли ахборот агентлиги.
Туркия ТИВ қабристон 16 март куни Булустра (Абдера) муниципалитети раҳбари буйруғи билан бузиб ташланганини эслатиб ўтди. Туркия ҳукумати ушбу ғайриинсоний ҳаракат юзасидан зарур ташаббусларни аллақачон кўрган, дейилади департамент хабарида.
Греция томони Туркиянинг эътирозига биноан, содир бўлган воқеа юзасидан тергов бошланганини билдирди. Анқара расмийлари терговнинг имкон қадар тезроқ якунланишига ва қабристоннинг аввалги кўринишига қайтарилишига умид билдирмоқда.
