Грецияда йўловчи ва юк поездининг тўқнашуви оқибатида камида 26 киши ҳалок бўлди, 85 киши жароҳат олди.

Тўқнашув сешанба куни кечқурун Лариса шаҳри яқинида содир бўлган.

Йўловчи поезди Афинадан Салоникига IC62 рейсини амалга оширган, Салоникидан Ларисага йўл олган юк поезди унга қарма-қарши келаётган бўлган. 

Нима учун поездлар бир йўлдан юргани номаълум.

350 киши бўлган йўловчи поездининг вагонлари рельсдан чиқиб кетган, улардан бири ёниб кетган.

Маҳаллий ОАВ маълумотларига кўра, иккала поезднинг ғилдираклари ва бошқа қисмлари ўнлаб метрларга учиб кетган.

«Тўқнашув жуда шиддатли бўлди», деган журналистларга Тесалия вилояти губернатори Константинос Агорастос.

Унинг сўзларига кўра, йўловчи поездининг дастлабки тўрт вагони рельсдан чиқиб кетган, бош ва иккинчи вагонлар деярли бутунлай вайрон бўлган.

“SKAI” телеканали маълумотларига кўра, тиббий ёрдамга муҳтож бўлмаган йўловчилар автобусда Салоники шаҳрига эвакуация қилинган.

Ярадорлар яқин атрофдаги шифохоналарга юборилган. Улардан баъзилари шошилинч жарроҳлик амалиётларига муҳтож.