САВОЛ:

Ғусл қилгандан сўнг қўлимда бўёқ юқини кўриб қолдим,  яна ғусл қиламанми?

ЖАВОБ: 

Баданнинг бирор жойига бўёқ ёки елим тегиб, терига сув ўтишини тўсиб қолган бўлса, аввало, бу нарсаларни кетказиб кейин таҳорат, ғусл қилиш керак бўлади. Аммо ғуслдан ёки таҳоратдан кейин кўриб қолган бўлсангиз, бўёқ ёки шунга ўхшаш нарсани  кеткизиб, шу жойларни ўзини ювиш билан кифояланасиз. Ғусл ёки таҳорат қайта қилинмайди. Валлоҳу аълам.

Манба: Ўзбекистон мусулмонлари идораси Фатво маркази