Анадолунинг хабар беришича, ХАМАС сиёсий раҳбари пайшанба куни исроилликларнинг Ал-Ақсо масжидига бостириб кириши "унинг исломий характерини ўзгартирмайди" деди.

Исмоил Ҳания ўз баёнотида, Ал-Ақсо масжидида содир бўлган сўнгги воқеаларга тўхталиб,  "(Исроил) улар охир-оқибат Фаластин ерларидан ҳайдаб чиқарилади", деди.

Унинг қўшимча қилишича, исроилликлар Ал-Ақсо масжидини эгаллаб олиш орқали унинг исломий мақомини ўзгартириши мумкинлигига ишонмоқда.

У чоршанба куни фаластинликлар исроиллик радикаллар томонидан режалаштирилган Исроил байроғи юришини тўхтатганидек, улар ҳам масжид мажмуасига бостириб киришнинг олдини олишлари ҳақида огоҳлантирди.

"Биз ҳали жангнинг бошидамиз", дея таъкидлаган у.

Исроил томонидан босиб олинган Ғарбий Соҳилда такрорий ҳибсга олиш кампаниялари фонида апрель ойи бошидан бери Фаластин ҳудудларида кескинлик авжига чиқди.

Бир ҳафта давом этадиган яҳудийларнинг Пасха байрамини нишонлаш учун Ал-Ақсо масжидига ҳар куни бостириб кириши вазиятни янада кучайтирди.

Ал-Ақсо масжиди мусулмонлар учун дунёдаги учинчи муқаддас жой. Яҳудийлар бу ҳудудни Маъбад тоғи деб аташади ва бу ер қадимги даврларда иккита яҳудий ибодатхонаси жойлашган жой бўлган.