Telegram каналимизга аъзо бўлинг
Янгиликлар

Ҳиндистон полицияси уламонинг жасадини олиб кетгани халқ ғазабини қўзғатди

3462

Ҳиндистон ҳукумати ўтган чоршанба куни, 92 ёшида, сўнгги эллик йилликдаги Кашмир мустақиллигининг курашчиси Сайид Али Шоҳ Жилоний вафотидан кейин баҳсли Ҳимолай минтақасида хавфсизлик чораларини қўллади.

Эртаси куни унинг ўғли Нозим Жилоний “Ал-Жазира”га қуролли полиция «ярим тунда унинг (Жилонийнинг) жасадини ўғирлаб, зўрлик билан кўмиб ташлаганини» ва «оиланинг ҳеч бир аъзосига жаноза намозида қатнашишга рухсат бермаганини» айтган.

Полиция айбловларни рад этди, лекин душанба куни Тwиттерда Жилонийнинг жасади ювилгани, кафанга ўралгани ва дафн этилгани тасвирланган видео эълон қилинганидан кейин яна норозиликларга дуч келди. Намойишлардан қўрқиб, унинг Кашмирнинг асосий шаҳри Сринагардаги қабри қуролли қўриқчилар остида тутилиб, ташриф буюрувчиларга рухсат берилмаган.

Ҳиндистоннинг мусулмонлар яшайдиган ягона минтақасида энг юқори мартабали ислом ҳуқуқшуноси муфтий Носир ул-Ислом, полиция ҳаракатини «исломга қарши ҳаракат» деб қоралади.

У AFP ахборот агентлигига берган интервьюсида, ўлган одамнинг жасадини ҳатто у «ўлим жазосига ҳукм қилинган жиноятчи» бўлса ҳам ҳурмат қилиш кераклигини айтган. 

«Менимча, унинг оиласи азоб чекди, Кашмир аҳолиси эса жабр кўрди. Полиция бунинг учун кечирим сўраши керак”, деган у.

Ижтимоий тармоқларда кенг тарқалган видеода Жилонийнинг жасади Покистон байроғига ўралгани, унинг оиласи полиция билан курашаётган пайтда қуролли полициячилар томонидан жасад олиб кетилгани тасвирланган. Ҳиндистон ҳукумати Жилоний вафотидан кейин Кашмир бўйлаб мобил ва Интернет алоқаларини якшанба кунигача узиб қўйди.

УЛАШИНГ:

Теглар:

Мавзуга доир:

Тарихда бугун: Ҳиндистонда бобурийлар сулоласи ҳукмронлиги тугади

1996 21:00 20.09.2021

Масжидда муҳтожлар учун операциялар амалга оширилади

502 22:15 13.08.2021

Ҳиндистон ҳукумати ўз фуқароларини зудлик билан Афғонистонни тарк этишга чақирди

526 14:25 11.08.2021

Ҳиндистонлик фотожурналист Афғонистон жанубида ҳалок бўлди

1188 10:10 17.07.2021

Ҳиндистон: яшин уриши оқибатида ўнлаб киши ҳалок бўлди

499 17:30 12.07.2021
« Орқага