Telegram каналимизга аъзо бўлинг
Янгиликлар

Хитой раҳбари динларни хитойлаштиришга чақирди

4783

Хитой раҳбари Си Цзиньпин мамлакатдаги диний эътиқодларни “хитойлаштириш” ва улардан ижтимоий бирдамликка эришиш учун самарали фойдаланишга чақирди.

Пекинда бўлиб ўтган Дин ишлари бўйича ишчи конференцияда сўзга чиққан Си Цзиньпин мамлакатдаги диний эътиқодларни хитойлаштириш ва социалистик жамиятга мослаштириш учун самарали бошқариш зарурлигини таъкидлади. 

“Хитойлаштириш” тушунчасини “ватанпарварликни тарғиб қилувчи ҳамда Хитой миллати ва маданиятига мансубликни мустаҳкамловчи диний доиралар” деб таърифлар экан, давлат раҳбари эътиқодлар мамлакатни бошқараётган Коммунистик партияга ва Хитой социализмига содиқликни кучайтириши кераклигини айтди.

Си Цзиньпин партия кадрларига мамлакат бошқарувида диний эътиқодларнинг аҳамиятини тушуниб олишни маслаҳат берди ва шундай деди: “Биз Хитой хусусиятларига эга социалистик диний назарияларни қўллаб-қувватлашимиз ва ривожлантиришимиз керак. Биз катта диний оммалар партия ва ҳукумат атрофида бирлашишини талаб қилишимиз ҳамда динни хитойлаштиришга мувофиқ таъсирли ва самарали диний муносабатларни ўрнатишимиз зарур”.

Хитой раҳбари динни хитойлаштиришни инсонларнинг эътиқодларига ҳурмат кўрсатган ва уларни ҳимоя қилган ҳолда давом эттиришга ҳамда дин ишларини тартибга солишни яхшилашга ваъда берди.

УЛАШИНГ:

Теглар:

Мавзуга доир:

Ўзбек олимлари томонидан силга қарши янги препарат ишлаб чиқилди

52 10:25 20.01.2022

«Толибон» Афғонистондаги иқтисодий муаммоларнинг сабабини айтди

195 10:05 20.01.2022

Назарбоев энди расман раис эмас

180 09:52 20.01.2022

БАА ва Нидерландия компаниялари Ўзбекистонда қуёш фотоэлектр станциялари қуради

201 09:18 20.01.2022

Шавкат Мирзиёев ва Дмитрий Козак минтақадаги вазият юзасидан фикр алмашди

240 08:25 20.01.2022

Катта фиқҳ энциклопедияси: рибавий маҳсулотларда икки томондан қабз қилиш

379 22:05 19.01.2022
« Орқага