Telegram каналимизга аъзо бўлинг
Янгиликлар

“Хитой уйғур имомларни нишонга оляпти”

1358

Уйғур инсон ҳуқуқлари ташкилоти (UHRP) маълумотига кўра, Хитойда 2014 йилдан бери камида 630 нафар имом ва диний лавозимдаги киши ҳибсга олинган ёки турмага жўнатилган. Улардан 18 нафари ҳибсга олингандан кейин вафот этган.   

Имомларга радикал фикрлар тарқатиш, тартибни бузадиган даражада оммани бир жойга йиғиш ва сепаратизм сингари айблар қўйилган. Яқинларининг айтишича, аслида уларнинг “айби” имомлик қилиш, холос.  

Уйғур инсон ҳуқуқлари ташкилоти диний лавозимда ишлаган жами 1046 кишининг бошидан ўтганлар ҳақида маълумот йиғишга ҳаракат қилди. Аксари уйғур миллатига мансуб бўлган бу кишилар ҳақидаги маълумотлар оилаларининг сўзлари, ОАВда чиққан хабарлар, жамоатчиликка очиқ ёки махсус ахборотдан иборат бўлди.  

Қўлга киритилган маълумотларга қараганда, 630 та ҳолатда камида 304 киши қамоқхонага жўнатилган. Судланганларнинг 96 фоизи камида 5 йилга, 26 фоизи эса 20 йилдан ортиққа озодликдан маҳрум этилган. 14 ҳолатда бир умрга озодликдан маҳрум этиш жазоси тайинланган.  

Ташкилот ҳисоботида таъкидланишича, Хитой ҳукумати айниқса Шинжон, яъни Шарқий Туркистондаги имомоларни кўпроқ нишонга олган. 
Би-би-сига интервью берган Хитой расмийларидан бири имомларнинг таъқиб этилаётганини рад этиб, Шарқий Туркистонда “мисли кўрилмаган даражада дин ва эътиқод эркинлиги борлигини” иддао қилган.

УЛАШИНГ:

Теглар:

Мавзуга доир:

Хитойда мусулмон маҳбусларнинг ички аъзолари олиб қўйилаётган бўлиши мумкин

1029 07:55 15.06.2021

Марказий осиёликлар Хитойдаги Россия атом электростанцияларига хавотир билан қарамоқда

1151 15:40 08.06.2021

«Хитой сиёсати туфайли уйғурларнинг сони камаяди»

665 09:55 08.06.2021

Трамп Хитойдан коронавирус сабабли 10 триллион доллар талаб қилди

491 11:25 07.06.2021

Байден Хитойнинг фикрини инобатга олмасдан жаҳон савдо қоидаларини ишлаб чиқишга чақиради

599 16:35 06.06.2021

АҚШ ўнлаб Хитой компаниялари акцияларини сотиб олишни тақиқлади

335 17:20 04.06.2021
« Орқага