Telegram каналимизга аъзо бўлинг
Янгиликлар

Хитойнинг баъзи ҳудудларида «локдаун» эълон қилинди

1669

Дунёда omicron'нинг «яширин» штамми кенг тарқалмоқда.

Сўнгги ҳафталарда дунёнинг қатор давлатларида коронавирусга чалиниш кўрсаткичлари сезиларли даражада камая бошлади. Айниқса, энг кўп касалланиш ҳолатлари қайд этилган АҚШ, Ҳиндистон, Франция, Бразилия, Россия, Туркия, Италия, Испания, Япония сингари мамлакатларда пасайиш тенденцияси кузатилмоқда. 

Жанубий Корея, Вьетнам, Германияда эса аксинча, пандемиянинг янги тўлқини авжида. Масалан, Корея Республикасида кунига ўрта ҳисобда 340 минг янги ҳолат қайд этиляпти. 14 март куни бу кўрсаткич янада ошиб, 362 мингдан зиёд беморга коронавирус ташхиси қўйилди.

Хавотирли жиҳати, энди касалликнинг янги тўлқини ер юзи аҳолисининг энг катта қисми яшайдиган Хитойда ҳам бошланмоқда. Бу ерда аниқланаётган янги ҳолатлар omicron'нинг ВА.2 мутациясини ташкил этяпти. 

Хусусан, мамлакатда ўтган куни 1,5 мингга яқин кишида ушбу вариант аниқланди. Биргина Цзилинь провинциясида 900га яқин одам инфекцияни юқтирган. Шанхай ва Шэньчжэнь шаҳарларида ҳам хасталикка чалинганлар сони ошмоқда. 

Шундан келиб чиқиб Хитой ҳукумати касаллик янада кенг тарқалмаслиги учун қатъий чекловларни жорий қилмоқда. Беморлар билан алоқада бўлганлар мажбурий карантинга олиняпти. Баъзи ҳудудларда эса «локдаун» эълон қилинаётир.

Шунингдек, ВА.2 Европанинг қатор мамлакатларида ҳам фаол тарқала бошлади. Оқибатда, Буюк Британия, Бельгия, Швейцария ва Нидерландияда сўнгги кунларда касалланишлар сони яна ўса бошлаган. 

Мутахассисларнинг таъкидлашича, янги штамм omicron'дан ҳам юқумлироқ. Энг ёмони, унга чалинганда касаллик нисбатан оғир асоратлар билан кечиши мумкин. Айниқса, у беморнинг ўпкасини зарарлаши кузатиляпти. 

Қолаверса, ушбу вирус мутациясига ташхис қўйиш бирмунча мураккаб. У кўп ҳолларда одатдаги ПЗР тестларида намоён бўлмайди. Шу сабабли ВА.2 аллақачон «яширин штамм» номини олган.

УЛАШИНГ:

Теглар:

Мавзуга доир:

Измир соҳилларида 65 муҳожир қутқарилди, юзлаб муҳожирлар ҳибсга олинди

58 12:20 16.08.2022

Қирғизистонда биринчи “Халқ қурултойи” чақирилади

126 11:45 16.08.2022

Ғарбнинг буюклари пайғамбар алайҳиссалом ҳақларида...  

310 11:15 16.08.2022

Ўзбекистонда «Имом Бухорий» ордени таъсис этилади

189 10:55 16.08.2022

«Тез ёрдам» машинасида сув ташиган ҳайдовчига чора кўрилди

174 10:35 16.08.2022

Франция ғазнасидан миллионлаб пул ўғирлаган 4 нафар исроиллик ҳибсга олинди

175 10:10 16.08.2022
« Орқага