Telegram каналимизга аъзо бўлинг
Янгиликлар

Ҳукумат мусулмон ва ҳиндларни бир-бирига қарама-қарши қўймоқда – Рахул Ганди

1159

Ишсизлик ва нарх-наво ошиши оқибатида минглаб ҳиндистонликлар Раҳул Ганди атрофида тўпланди. Ҳиндистон миллий конгресси партияси собиқ етакчиси амалдаги бош вазир Нарендра Модини муаммоларни ечишда лаёқатсизликда айблади.

Ганди бош вазирни йирик бизнесга фойда келтирадиган сиёсат юритишда айблаган.

“Нарендра Моди Конгресс 70 йил нима қилди деган савол берди. менинг жавобим шу: Конгресс 70 йил давомида мамлакатга бу қадар нарх ўсишини кўрсатмаганди”, – деган у Нью-Деҳлидаги чиқишида.

Унинг сўзларига кўра, ҳукумат Бхаратия Джаната партияси мафкурасига таяниб, мусулмон ва ҳиндларни бир-бирига қарама-қарши қўймоқда. Бу эса мамлакатда қўрқув ва нафрат муҳитининг вужудга келишига сабаб бўляпти.

Ганди бензин, дизель, газ ва асосий озиқ-овқат маҳсулотларининг нархи Моди ҳокимиятга келган йилларда 40-175 фоизга ошганини таъкидлаган. У бош вазирни икки йирик саноатчининг фойдасига ишлаётганини, улардан бири Ҳиндистон портлари, аэропортлари, нефтни қайта ишлаш заводлари, информацион технологиялар ва йирик медиа марказларни бошқараётганини қайд этган.

“Моди иккита Ҳиндистон яратди: бири қашшоқларга қарашли, бу ерда бирорта орзуни амалга ошириб бўлмайди, бошқаси йирик бизнесменларга тегишли мамлакат”, – деган сиёсатчи.

Бунга жавобан Моди ҳукуматидаги молия вазири Нирмала Ситхараман мамлакат иқтисодиёти рецессия жараёнидан узоқда эканини маълум қилган. бундан ташқари, ҳукумат 2014 йилдан буён миллионлаб ҳиндистонликлар ҳаёти фаровонлашганини таъкидлаган.

Осиёда учинчи йирик иқтисодиёт ҳисобланадиган Ҳиндистон иқтисодиёти пандемиядан сўнг ўзини тез суръатларда тикламоқда. Шу билан бирга COVID-19 даврида электрон савдонинг кескин ўсиши ортидан ўрта ва кичик корхоналарнинг йирик корпорациялар билан рақобатлашиши қийинлашди.

Расмий маълумотларга кўра, мамлакат иқтисодиёти апрель-июнь ойларида ўтган йилнинг мос даврига нисбатан 13.5 фоизга ошди.

УЛАШИНГ:

Теглар:

Мавзуга доир:

Украинанинг Испаниядаги элчихонасидаги портлашдан кейин посилкалардан яна бир нечта бомба топилди

255 21:04 01.12.2022

Нима учун муслима аёлларга ғайридин эркакка турмушга чиқиш тақиқланган?

742 20:00 01.12.2022

Павел Фелгенгауер: «Қозоқлар ва қирғизлар ҳеч қачон Ереван тарафида туриб Бокуга қарши жанг қилмайди»

650 19:00 01.12.2022

«Арманистон Қорабоғни Озарбайжоннинг бир қисми деб тан олди» — Россия ТИВ вазири Лавров

556 18:10 01.12.2022

Россиянинг Украинадаги жиноятлари текшириш бўйича трибунал иш бошлайди 

260 17:28 01.12.2022

Пентагон Қатарга дронларга қарши илғор мудофа тизимини сотади

229 16:30 01.12.2022
« Орқага