Қишнинг қоқ чилласин оқлигини бер,
Шабнам тароватин бер менга, Аллоҳ.
Саратоннинг авжи камолотини,
Хазон ҳаловатин бер менга, Аллоҳ.
Ялдо кечасининг сабрини бергин,
Кунларнинг аввалин хуррамлигин бер.
Офтобинг авжланган кунги хуш насим,
Тийрамоҳ қушларин бирдамлигин бер.
Ҳикматинг чархида айланган кунлар
Собир қулларингни этмишдир сўзон.
Ассалому алайкум, Лайлатул қадр,
Хуш келдинг қалбимга, Моҳи Рамазон!
Ҳусан Карвонли,
“Маърифат” газетаси бош муҳаррири
