Аввалроқ Сардоба фожиаси натижасида мазкур атрофдаги учта жоме масжидга жиддий зарар етгани ҳақида хабар берган эдик. 

Улар орасида Мирзаобод туманидаги «Ҳазрати Усмон» жомеъ масжиди ҳам бор эди. 1991 йили ҳашар йўли билан қурилган масжид 250-300 намозхонга мўлжалланган. 

«Ҳилол-нашр» матбаа-нашриёти, islom.uz портали ҳамда Grand ta’lim НТМ жамоаси ушбу масжидни қайтадан қуриб беришга қарор қилибди. “Аллоҳнинг фазли карами ила бу масжидни қайта қуриш шарафига раҳбариятимизнинг бизга билдирган ишончи ила муяссар бўлиб турибмиз.

Масжид қуришдек шарафли вазифани адо этиш Аллоҳ таолонинг улуғ фазлидир. Ана шундай улуғ вазифа зиммамизга юкланар экан, Аллоҳ таолодан ихлос ва тавфиқ сўраб, мухлис халқимиздан хайрли дуолар сўраб, ишга киришамиз” дейилади islom.uz хабарида. 

Тилагимиз, бошқа масжидлар ҳам тезроқ обод бўлсин, намозхонлар ихтиёрига қайтарилсин...