Роббим учун қилай сафар, 

Нийятимни айтиб саҳар,

Зулҳижжадан келди хабар, 

Фарзийётим – Ҳаж.

Эхромимни мийқот боғлай, 

Мақсадимни тулиқ жамлай, 

Муножотим айтиб – “лаббайк”, 

Талбийётим – Ҳаж.

Ҳарамда бошлайин тавофул қудум,

Етти бор айланай, бу – қадим удум. 

Намозга юзланай Мақоми Иброҳим,

Маносигим – Ҳаж.

Хожар онамиздин белги бу вафо 

Марвадан елайин жиҳати Сафо. 

Иқомат-ла турайин майдони Мино, 

Арафотим – Ҳаж. 

Вақти-намозимни жуфт қилиб, 

Арафот тоғида кўп вуқуф қилиб,

Шайтони лаъинга тош улоқтириб, 

Жамаротим – Ҳаж. 

Сочим тақсир айлайин, 

Каъба сари юрайин.

Видолашув найлайин, 

Мултазамим – Ҳаж.

Сайъларим бўлсин машҳур,

Гуноҳим этгин мағфур. 

Ҳажимни айла мабрур,

Куллийётим – Ҳаж...
 

Ҳасанхон Сўфихон

Тошкент шаҳридаги "Султон ҳожи" масжиди имом-ноиби