Telegram каналимизга аъзо бўлинг
Янгиликлар

Ўзбекистон ва Ислом тараққиёт банки ўртасидаги ҳамкорлик кенгайтирилади

1229

Кеча, 30 август куни Ўзбекистон Республикаси Бош вазирининг ўринбосари — Инвестициялар ва ташқи савдо вазири Сардор Умурзоқов Ислом тараққиёт банки Президенти Муҳаммад Сулаймон ал-Жассир билан учрашув ўтказди. Бу ҳақда вазирлик матбуот хизмати хабар берди.

Маълум қилинишича, учрашувда кичик ва ўрта бизнесни қўллаб-қувватлаш, таълим, инфратузилмавий қурилиш, соғлиқни сақлаш ва қишлоқ жойларда ҳаёт сифатини яхшилаш соҳаларида 6 та янги инвестиция лойиҳаси бўйича ишларни фаоллаштириш юзасидан келишувга эришилган.

Шунингдек, жорий йилнинг 1 сентябридан 4 сентябрига қадар Тошкентда бўлиб ўтадиган ИТБ Бошқарувчилар Кенгашининг Йиллик анжуманига тайёргарлик кўриш ишлари ҳам муҳокама қилинган. Ислом тараққиёт банки Президенти анжуман ва у билан боғлиқ тадбирлар юқори савияда ташкил этилаётгани учун Ўзбекистон томонига миннатдорлик билдирган.

Муҳаммад Сулаймон ал-Жассирнинг қайд этишича, мазкур тадбир халқаро ҳамжамият ҳамда ИТБга аъзо мамлакатларнинг ишбилармонлик доиралари вакилларида катта қизиқиш уйғотди: ҳозирги пайтга келиб учрашувда иштирок этиш учун 2 мингдан ортиқ киши рўйхатдан ўтган ва уларнинг сони ўсишда давом этмоқда. Тадбирда Банкка аъзо 57 мамлакатдан 2500 дан ортиқ вакил, шунингдек, халқаро ташкилотлар ва тараққиёт институтлари вакиллари қатнашиши кутилмоқда.

УЛАШИНГ:

Теглар:

Мавзуга доир:

Ислом молияси бўйича нуфузли халқаро ташкилот Ўзбекистон билан ҳамкорлик ўрнатди

325 10:39 24.05.2022

Ислом молиясининг Ўзбекистон учун аҳамияти — Ислом тараққиёт банки ходими билан суҳбат

532 16:05 11.04.2022

Ўзбекистон ва Ислом тараққиёт банки ўртасида олиб борилаётган ҳамкорлик

1121 12:50 02.09.2021

Ўзбекистонда исломий банклар йўқлигининг сабаби айтилди

6937 10:50 02.09.2021

Ислом тараққиёт банки билан COVID-19 дан сўнг юзага келган инқирозлар муҳокама қилинди

1293 06:25 02.09.2021

Тошкентда Ислом тараққиёт банкининг йиғилиши бўлиб ўтмоқда

1544 19:25 01.09.2021
« Орқага