Исроил ва БАА ўртасида бир неча ой давом этган музокаралардан сўнг биринчи йирик эркин савдо шартномаси имзоланди. БААнинг Исроилдаги элчиси Амир Ҳайик ўзининг Twitter даги саҳифасида қуйидагича хабар тарқатди: "Исроил ва БАА яқин соатларда эркин савдо шартномасини имзолайди”.
“БААдаги Исроил компаниялари кўпаяди”
БАА-Исроил ишбилармонлар кенгаши раиси Дориан Баракнинг айтишича, имзоланган келишув солиқ ставкалари, импорт ва интеллектуал мулк ҳуқуқлари ҳамда БААда, хусусан, Дубайда бизнес очаётган Исроил компанияларининг фаолиятини қамраб олган. Кенгаш тахминларига кўра, йил охиригача 1000 га яқин Исроил компаниялари Жанубий Осиё, Узоқ Шарқ ва Яқин Шарқда, шунингдек, БААда фаолият кўрсатади ва БАА ширкатлари билан яқин алоқада иш бошлайди.
