Риши Сунак твиттер саҳифасида Борис Жонсонга барчаси учун раҳмат айтди
Буюк Британия собиқ бош вазири Борис Жонсон ўз номзодини Бош вазирликка илгари сурмаслигини маълум қилди. Бу Риши Сунак Буюк Британиянинг кейинги бош вазири бўлишини англатади.
Британия ҳукуматининг собиқ раҳбари 2024 йилги сайловларда консерваторларни етакчилигини таъминлашга ваъда берган. Сентябрь ойига қадар бош вазирлик лавозимини эгаллаб турган Жонсонни Жамоат палатасидаги консерваторлар фракциясининг камида 100 аъзоси қўллаб-қувватлаган. Унинг баёнотида айтилишича, унга овоз беришга тайёр бўлган депутатлар сони 102 нафарни ташкил этган, аммо бу бошқа манбадан тасдиқланмаган ва бу уни қўллаб-қувватлаши кутилган депутатлар сонидан камроқ.
Шу билан бирга, у партия ичидаги овоз бериш жараёнида ғалаба қозониб, жума кунидан бош вазирликка қайтиш учун яхши имкониятга эга бўлгани, аммо «ҳозир қулай вақт эмаслиги», партия ичида мухолифлари кўплиги, фракциядаги бирликсиз мамлакатни самарали бошқариш имкони бўлмаслигини қайд этган.
«Мен Риши билан ҳам, Пенни билан ҳам музокара олиб боришга ҳаракат қилдим. Чунки биз миллат манфаати йўлида бирлаша олишимизга умид қилгандим. Афсуски, бунинг йўлини топа олмадик. Мен ўзимда таклиф қиладиган нарсам борлигига ишонаман, аммо ҳозир бунинг учун қулай вақт эмас деган фикрдаман», — дейилади Борис Жонсоннинг баёнотида.
Кўплаб торилар Жонсон ҳукумати парчаланишида айбдор деб ҳисоблайдиган Риши Сунак уни бош вазирлигида кўп нарсага, «брекзит»дан тортиб коронавирусга қарши вакцина ишлаб чиқилиши ҳамда жорий этилишига қадар қатор муваффақиятларга эришганини эътироф этган. «У мамлакатимизни биз бошимиздан кечирган қатор оғир синовлардан олиб ўтди, кейин у Путин ва унинг Украинага қарши урушига қарши чиқди. Биз бунинг ундан доимо миннатдор бўламиз», — дея ёзган Сунак твиттерида.
Агар душанба куни маҳаллий вақт билан соат 14:00 га қадар Сунакдан бошқа ҳеч ким камида 100 депутат томонидан қўллаб-қувватловга эга бўлмаса, у автоматик равишда партия раҳбарига айланади, жума кунидан эса Лиз Трасс ўрнига бош вазирлик лавозимини эгаллайди.
