Жаҳон соғлиқни сақлаш ташкилоти бош директори Тедрос Адханом Гебрейесуснинг айтишича, Covid-19 коронавируси тобора тезроқ тарқаляпти. 

“Илк ҳолат аниқлангандан бошлаб беморлар сони 100 мингга етгунича орадан 67 кун ўтди. 11 кунда беморлар сони 100 мингдан 200 мингга, атиги 4 кун ичида 300 мингга етди”, – деди у Женевада ўтказилган матбуот анжуманида. 

Душанба кунги маълумотга қараганда, дунё бўйича коронавирус юқтирганлар сони 350 мингдан, мазкур инфекция туфайли вафот этганлар сони эса 15 мингдан ошди. 

Энг кўп ўлим ҳолати Италия (қарийб 5500) ва Хитойга (3153) тўғри келди.