Кипр ўрмонларида чиққан кучли ёнғинни қисман ўчиришнинг уддасидан чиқилди. Бироқ шамол туфайли ёнғин яна авж олиши мумкинлигидан хавотир билдириляпти.

Ёнғин шанба куни Троодос тоғининг жанубий этакларида бошланган. Яқин атрофдаги қишлоқлардан аҳоли эвакуация қилинди. Офатни бартараф этиш учун Кипрга Британия, Греция, Исроил ва Италия ёрдам беряпти. 
Ёнғин тўрт кишининг ўлимига сабаб бўлгани айтилмоқда.

«Бу – фожиа, – дея ёзди Кипр президенти Никос Анастасиадис Твиттердаги саҳифасида. – Бунақаси 1974 йилдан бери кузатилмаган эди». Шунингдек, у ёнғиндан жабр кўрган аҳолига ҳукумат ёрдам кўрсатишини маълум қилди.

Охирги кунларда Кипрда ҳаво ҳарорати Цельсий бўйича 40 даражага етгани кузатилди.