Туркия вице-президенти Фуат Октай Жанубий Кипрдаги масжидлардан бирининг деворига Византия байроғининг осиб кетилганини қоралади. 

“Ларнака шаҳридаги “Тузла” масжидига осилган Византия байроғи билан яна провокация. Грек бошқаруви оролнинг жанубида баъзи бад ниятлилар томонидан туркофобия ва исломофобияни жонлантиришга бўлаётган уринишларни руҳлантиришни тўхтатиши ҳамда зудлик билан бу касал зеҳниятнинг олдини олиши зарур”, – дея ёзди у Твиттердаги саҳифасида. 

Ислом дини ва мусулмонларга нисбатан ҳурматсизлик сифатида масжидга илинган ўша байроқ кейинроқ олиб ташланган. 

Маълумки, Кипр ороли иккига бўлинган: унинг жанубида асосан греклар, шимолий қисмида эса турклар яшайди. Шимолий Кипр Турк Республикасини халқаро ҳамжамият тан олмаган. 

Афғон ҳукумати рози: “Толибон” билан музокара учун делегация жўнатилади  

Нетаньяхудан таклиф: “Эронга нисбатан “фалажловчи санкциялар” қўллайлик”