148 та черковни бирлаштирган Лютеран федерацияси  халқаро ҳамжамиятни Исроил-Фаластин можаросига якуний ечим топишга чақириб, босқинчилик ҳаракатларига чек қўйиш тўғрисидаги баёнотини эълон қилди.

“Кенгаш Исроилнинг Фаластин ҳудудларини босиб олишда давом этаётгани ва зўравонликнинг авж олгани, жумладан журналист Ширин Абу Акле, бошқа журналистлар ва бошқа бегуноҳ қурбонларнинг ўлдирилишидан чуқур хавотирда. Шу пайтгача жиддий вазиятга ечим топилмагани, натижада инсон ҳуқуқлари, ҳаёти, турмуши ва қадр-қиммати топталаётгани кишини ғазаблантиради”, — дейилади баёнотда. 

Баёнотда Федерация томонидан ташкил этилган Қуддусдаги Августа Виктория касалхонаси молиявий инқирозларга учраётгани такидланган. Унда АҚШ ва Европа Иттифоқи тиббий марказни қўллаб-қувватлаш учун ўз вақтида маблағ ажратишга чақирилган.