COVID-19 пандемияси сабабли икки йиллик тўхтатилганидан сўнг Рамазон ойида Масжидул Ҳаромда оммавий ифторликларга рухсат берилди. Икки Муқаддас Масжид Бош бошқармаси Рамазонга тайёргарликни якунлаганини, жумладан, муқаддас жойларда ифторлик озиқ-овқат сотувчилари учун рухсатномалар бериш ва уларни янгилашни билдирди.

Аввалроқ Ҳаж ва Умра вазирлиги барча зиёратчилар учун муқаддас қадамжоларни зиёрат қилиш учун эмлаш текшируви бекор қилингани ҳақида хабар берган эдик. Вазирлик, шунингдек, умра зиёратига бориш учун чет эллик мусулмонлар учун эмлаш маълумотларини бир вақтлар мажбурий бўлган рўйхатдан ўтказиш ишларини тўхтатди. Шунингдек, иккала муқаддас масжидга кириш учун ПЗР тестининг салбий натижасини мажбурий тақдим этиш ҳам бекор қилинган.