Малайзияда 17 декабрь куни бошланиб, уч кун давом этган кучли ёғингарчилик оқибатида бир қатор ҳудудларни сел олган эди.
Полиция маълумотига кўра, селларда 47 киши ҳалок бўлди, бедарак йўқолган 5 киши ҳамон қидирилмоқда. Биргина Паханг штатида 33 мингга яқин аҳоли хавфсиз жойларга эвакуация қилинди.
Марказий ҳукумат ёғингарчиликдан аввал аҳолини огоҳлантирмагани учун танқидлар нишонига айланди.
Миллий офат бошқаруви агентлиги (NADMA) маълумотига кўра, селдан энг кўп зарар кўрган ҳудудлар орасида Селангор, Келантан, Теранггану, Паханг, Малакка, Негери Сембилан, Перак штатлари ва пойтахт Куала-Лумпур бор.
