Telegram каналимизга аъзо бўлинг
Янгиликлар

Малиликлар француз аскарлари мамлакатни тарк этишидан хурсанд

1093

Мали аҳолиси “Бархан” ва “Такуба” аксилтеррор операцияларида иштирок этган Франция аскарларининг мамлакатдан олиб чиқилишидан мамнунлигини билдирмоқда.

Минглаб малиликлар бу янгиликни нишонлаш учун пойтахт Бамако кўчаларига чиқди. Акция ташкилотчиларидан бири Амина Фофананинг айтишича, Франция терроризмга қарши кураш баҳонасида 9 йил давомида Малида ўз мавжудлигини сақлаб қолди. У Малининг ўтиш даври ҳукуматига Франция қўшинларининг мамлакатдан олиб чиқиб кетилишини таъминлагани учун миннатдорчилик билдирди.

Акциянинг яна бир ташкилотчиси Бассаро Силлага кўра, Франция ўтган йиллар давомида бирорта муаммони ҳал қила олмади. «Мамлакатда собиқ мустамлакачи мавжуд экан, Мали ривожлана олмайди», – дейди у. 

Франция президенти Эммануэл Макрон, 17-18 февраль кунлари Брюсселда бўлиб ўтган Европа Иттифоқи-Африка саммити олдидан 4-6 ой ичида француз аскарлари Малидан олиб чиқилишини эълон қилди.

Мали ҳудудида «Бархан» операцияси доирасида 2400 нафар, «Такуба» операциясида эса 900 нафар француз аскари жойлаштирилган.

Франция ҳарбийлари Малидаги базалардан қўшни Нигерга ўтказилади.

УЛАШИНГ:

Теглар:

Мавзуга доир:

Пандемия халқаро можароларга туртки берди – эксперт

162 21:34 30.01.2023

Бувижон, мен барибир келаман

553 19:40 30.01.2023

Қуръони карим борасида 25 та ҳақиқат

710 18:40 30.01.2023

Кўнгилли аскарларни Мудофаа вазирлиги таъминлайди

419 17:20 30.01.2023

Washington Post: АҚШ Украинага Абрамс танкларини юборилиши ҳақида маълумот берди

454 16:40 30.01.2023

Покистон масжидида портлаш: ўнлаб киши ҳалок бўлди

429 15:58 30.01.2023
« Орқага