Бангладешлик ёш имом Ҳофиз Мойнул Ислом охирги икки ҳафтадан бери ўз масжидига сузиб бормоқда. У буни «Гулаб» циклони туфайли ёғин-сочинлар кўпайиб, масжид жойлашган ҳудудни сув босганидан кейин қилишга мажбур бўлган.

Ҳофиз Мойнулнинг айтишича, у Аллоҳнинг уйида намоз  ўқилмасдан қолишини истамайди, шунинг учун унга ҳар куни намоз вақтида сузиб ёки қайиқда масжидга боради.

«Бу масжид бўлгани учун мен уни кимсасиз қолдира олмайман, кунига 5 марта азон айтилиши ва у ерда намоз ўқилиши лозим», - дейди имом.

Баъзида бошқалар ҳам намоз ўқиш учун масжидга сузиб ўтишади, лекин кўпинча, Ҳофиз Мойнул намозларни масжидда ёлғиз ўқийди.