Бугун Мексиканинг жануби-ғарбида юз берган кучли ер силкиниши ортидан тахминан бир қатор штатлар аҳолисининг бир қисми электрсиз қолди. РИА «Новости»нинг хабар беришича, бу ҳақда Мексиканинг Электр бўйича федерал комиссияси маълум қилган.
«Пойтахт Мехико, шунингдек, Мехико, Герреро, Морелосе ва Оахаке штатларида 1 миллион 600 киши электрсиз қолди. Бу эса пойтахт ва ушбу штатлардаги жами истеъмолчиларнинг 13 фоизидир», – дейилади комиссия баёнотида.
Айни пайтда шошилинч равишда электр таъминотини тиклаш ишлари олиб борилмоқда.
Зилзила маркази Герреро штатида бўлиб, силкиниш магнитудаси 7,1 га тенг бўлгани маълум қилинди. Илк зилзиладан кейин бир ярим соат давомида кучсизроқ силкинишлар кузатилди. Дастлабки маълумотларга кўра, бир киши ҳалок бўлди. Ҳукумат жиддий вайронагарчиликлар йўқлигини айтмоқда.
